النهارده عيد ميلادى

النهاردا عيد ميلادى
12-5- 2010
من أغاني حرفوش المجذوب
النهار دا عيد ميلادى
عيد ميلادى التانى بعد الأربعين
النهار دا عيد ميلادى ولسه عايش
رغم كيد كل الأعادى
الأعادى المخلصين
رغم ضغط الدم 00 لا ضغط السنين
رغم كل خطوه فيها 100 كامين
ـممممممممـ
النهار دا عيد ميلادى
والتهانى جايه تجرى
م المدن أو م البوادى
من قلوب الطيبين
هم دول أجمل ما فيها
رغم هم قليلين
ـممممممممـ
النهار دا عيد ميلادى
طب وليه قاعد حزين ؟!
لسه سيف حرفك فى ايدك
فى الفرح يرقص وبرضك
فى المعارك فوق رقاب البياعين
اى نعم 00 حرفك بيعصاك كل حين
ربما من ذنب أو معصيتين
ربما محتاج يحس بدمعيتين
بس برضك في النهاية
مهما طال العند وياه حبتين
ينحني ويقول أمين
ده لأنك 0000
لسه جواك قلب مليان بالأماني والحنين
ناصر صلاح